CREACIÓN DE POSTAIS E VISITA DA CARTEIRA DE CORREOS

 

Unha das actividades que realizou o alumnado de Educación Infantil durante o primeiro trimestre foi a creación de postais para envialas posteriormente por correo postal. Para esta actividade no grupo de 4º de Educación Infantil contaron ademais coa colaboración dunha nai que acudiu á aula para facer un obradoiro cos compañeiros e compañeiras da súa filla. 

Unha vez finalizadas todas as postais, veu a carteira da nosa vila a buscalas. Ensinoulles a todos os nenos e nenas de Ed. Infantil as funcións dos seu oficio e puxeron os selos ás postais. Uns días despois recibiron as postais nos enderezos postos proporcionados polas familias. 

Grazas como sempre pola vosa colaboración.

QUE SABEMOS E QUE QUEREMOS SABER NO 3º CICLO DE EDUCACIÓN PRIMARIA

 

O alumnado do 3º ciclo de Educación Primaria elaborou este mural para identificar que é o que saben sobre os medios de comunicación e que é o que queren saber. 

QUE SABEMOS E QUE QUEREMOS SABER EN 6ºB DE ED. INFANTIL

 

O alumnado de 6º B de Ed. Infantil realizou a primeira fase de Proxecto cun mural sobre os medios de comunicación. Preme na imaxe para ver todo o proceso.

 

QUE SABEMOS E QUE QUEREMOS SABER EN 6º A de Ed. Infantil

 

O alumnado de 6º A de Educación Infantil realizou un Lapbook cos 4 medios de comunicación máis coñecidos por este grupo. Preme na imaxe para ver todo o proceso de elaboración.

QUE SABEMOS E QUE QUEREMOS SABER EN 4º DE ED. PRIMARIA?

O alumnado de 4º de Educación Primaria realizou estes murais tras as asambleas para averiguar que saben e que queren saber sobre os medios de comunicación e a radio.

 

QUE SABEMOS DOS MEDIOS DE COMUNICACIÓN EN 4º DE ED. INFANTIL?

O alumnado de 4º de Educación Infantil iniciou a primeira fase do PDI elaborando este lapbook coa súa titora Isabel. Descubrimos nesta fase os medios de comunicación coñecidos polos máis pequenos e pequenas do colexio. 

 

Exposición de cabazas polo Samaín

 

 

 Durante a semana da celebración do Samaín, o alumnado de todos os cursos fixo coas súas familias na casa as cabazas de Samaín relacionadas co Proxecto Documental Integrado para unha exposición no colexio. Preme na imaxe para ver toda a súa creatividade. Grazas familias pola vosa implicación.